श्री हनुमान चालीसा

श्री हनुमान चालीसा

।। दोहा ।।
 
श्रीगुरु चरन सरोज रज, निज मनु मुकुरु सुधारि।
बरनऊ रघुबर बिमल जसु, जो दायकु फल चारि।।
बुद्धिहीन तनु जानिके, सुमिरौं पवन कुमार।
बल बुद्धि बिद्या देहु मोहिं, हरहु कलेस बिकार।।
 
।। चौपाई ।।
 
जय हनुमान ज्ञान गुन सागर।
जय कपीस तिहुं लोक उजागर।।

रामदूत अतुलित बल धामा।
अंजनि-पुत्र पवनसुत नामा।।

महाबीर बिक्रम बजरंगी।
कुमति निवार सुमति के संगी।।

कंचन बरन बिराज सुबेसा।
कानन कुंडल कुंचित केसा।।

हाथ बज्र औ ध्वजा बिराजै।
कांधे मूंज जनेऊ साजै।

संकर सुवन केसरीनंदन।
तेज प्रताप महा जग बन्दन।।

विद्यावान गुनी अति चातुर।
राम काज करिबे को आतुर।।

प्रभु चरित्र सुनिबे को रसिया।
राम लखन सीता मन बसिया।।

सूक्ष्म रूप धरि सियहिं दिखावा।
बिकट रूप धरि लंक जरावा।।

भीम रूप धरि असुर संहारे।
रामचंद्र के काज संवारे।।

लाय सजीवन लखन जियाये।
श्रीरघुबीर हरषि उर लाये।।

रघुपति कीन्ही बहुत बड़ाई।
तुम मम प्रिय भरतहि सम भाई।।

सहस बदन तुम्हरो जस गावैं।
अस कहि श्रीपति कंठ लगावैं।।

सनकादिक ब्रह्मादि मुनीसा।
नारद सारद सहित अहीसा।।

जम कुबेर दिगपाल जहां ते।
कबि कोबिद कहि सके कहां ते।।

तुम उपकार सुग्रीवहिं कीन्हा।
राम मिलाय राज पद दीन्हा।।

तुम्हरो मंत्र बिभीषन माना।
लंकेस्वर भए सब जग जाना।।

जुग सहस्र जोजन पर भानू।
लील्यो ताहि मधुर फल जानू।।

प्रभु मुद्रिका मेलि मुख माहीं।
जलधि लांघि गये अचरज नाहीं।।

दुर्गम काज जगत के जेते।
सुगम अनुग्रह तुम्हरे तेते।।

राम दुआरे तुम रखवारे।
होत न आज्ञा बिनु पैसारे।।

सब सुख लहै तुम्हारी सरना।
तुम रक्षक काहू को डर ना।।

आपन तेज सम्हारो आपै।
तीनों लोक हांक तें कांपै।।

भूत पिसाच निकट नहिं आवै।
महाबीर जब नाम सुनावै।।

नासै रोग हरै सब पीरा।
जपत निरंतर हनुमत बीरा।।

संकट तें हनुमान छुड़ावै।
मन क्रम बचन ध्यान जो लावै।।

सब पर राम तपस्वी राजा।
तिन के काज सकल तुम साजा।

और मनोरथ जो कोई लावै।
सोइ अमित जीवन फल पावै।।

चारों जुग परताप तुम्हारा।
है परसिद्ध जगत उजियारा।।

साधु-संत के तुम रखवारे।
असुर निकंदन राम दुलारे।।

अष्ट सिद्धि नौ निधि के दाता।
अस बर दीन जानकी माता।।

राम रसायन तुम्हरे पासा।
सदा रहो रघुपति के दासा।।

तुम्हरे भजन राम को पावै।
जनम-जनम के दुख बिसरावै।।

अन्तकाल रघुबर पुर जाई।
जहां जन्म हरि-भक्त कहाई।।

और देवता चित्त न धरई।
हनुमत सेइ सर्ब सुख करई।।

संकट कटै मिटै सब पीरा।
जो सुमिरै हनुमत बलबीरा।।

जै जै जै हनुमान गोसाईं।
कृपा करहु गुरुदेव की नाईं।।

जो सत बार पाठ कर कोई।
छूटहि बंदि महा सुख होई।।

जो यह पढ़ै हनुमान चालीसा।
होय सिद्धि साखी गौरीसा।।

तुलसीदास सदा हरि चेरा।
कीजै नाथ हृदय मंह डेरा।।

।। दोहा ।।

पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप।।

Hanuman Chalisa

।। Doha ।।

Shreeguru Charan Saroj Raj, Nij Manu Mukuru Sudhaari,
Baranaoo Raghubar Bimal Jasu, Jo Daayaku Fal Chaari.
Buddhiheen Tanu Jaanike, Sumiraun Pavan Kumaar,
Bal Buddhi Bidyaa Dehu Mohin, Harahu Kales Bikaar.

।। Chaupaayi ।।

Jay Hanumaan Gyaan Gun Saagar
Jay Kapees Tihun Lok Ujaagar

Raamadoot Atulit Bal Dhaamaa
Anjani-Putr Pavanasut Naamaa

Mahaabeer Bikram Bajarngee
Kumati Nivaar Sumati Ke Sangee

Kanchan Baran Biraaj Subesaa
Kaanan Kunḍaal Kunchit Kesaa

Haath Bajr Au Dhvajaa Biraajai
Kaandhe Moonj Janeoo Saajai

Sankar Suvan Kesareenandan
Tej Prataap Mahaa Jag Bandan

Vidyaavaan Gunee Ati Chaatur
Raam Kaaj Karibe Ko Aatur

Prabhu Charitr Sunibe Ko Rasiyaa
Raam Lakhan Seetaa Man Basiyaa

Sookshm Roop Dhari Siyahin Dikhaavaa
Bikaṭ Roop Dhari Lank Jaraavaa

Bheem Roop Dhari Asur Sanhaare
Raamachandra Ke Kaaj Sanvaare

Laay Sajeevan Lakhan Jiyaaye
Shreeraghubeer Haraṣi Ur Laaye

Raghupati Keenhee Bahut Badaayi
Tum Mam Priy Bharatahi Sam Bhaayi

Sahas Badan Tumharo Jas Gaavain
As Kahi Shreepati Kanṭh Lagaavain

Sanakaadik Brahmaadi Muneesaa
Naarad Saarad Sahit Aheesaa

Jam Kuber Digapaal Jahaan Te
Kabi Kobid Kahi Sake Kahaan Te

Tum Upakaar Sugreevahin Keenhaa
Raam Milaay Raaj Pad Deenhaa

Tumharo Mantra Bibheeshan Maanaa
Lankesvar Bha_E Sab Jag Jaanaa

Jug Sahasr Jojan Par Bhaanoo
Leelyo Taahi Madhur Fal Jaanoo

Prabhu Mudrikaa Meli Mukh Maaheen
Jaladhi Laanghi Gaye Acharaj Naaheen

Durgam Kaaj Jagat Ke Jete
Sugam Anugrah Tumhare Tete

Raam Duaare Tum Rakhavaare
Hot Na Aagyaa Binu Paisaare

Sab Sukh Lahai Tumhaaree Saranaa
Tum Rakṣak Kaahoo Ko ḍaar Naa

Aapan Tej Samhaaro Aapai
Teenon Lok Haank Ten Kaanpai

Bhoot Pisaach Nikaṭ Nahin Aavai
Mahaabeer Jab Naam Sunaavai

Naasai Rog Harai Sab Peeraa
Japat Nirntar Hanumat Beeraa

Sankaṭ Ten Hanumaan Chhudaavai
Man Kram Bachan Dhyaan Jo Laavai

Sab Par Raam Tapasvee Raajaa
Tin Ke Kaaj Sakal Tum Saajaa

Aur Manorath Jo Koii Laavai
Soi Amit Jeevan Fal Paavai

Chaaron Jug Parataap Tumhaaraa
Hai Parasiddh Jagat Ujiyaaraa

Saadhu-Snt Ke Tum Rakhavaare
Asur Nikndan Raam Dulaare

Ashṭ Siddhi Nau Nidhi Ke Daataa
As Bar Deen Jaanakee Maataa

Raam Rasaayan Tumhare Paasaa
Sadaa Raho Raghupati Ke Daasaa

Tumhare Bhajan Raam Ko Paava
Janam-Janam Ke Dukh Bisaraavai

Antakaal Raghubar Pur Jaayi
Jahaan Janm Hari-Bhakt Kahaayi

Aur Devataa Chitt N Dharayi
Hanumat Sei Sarb Sukh Karayi

Sankaṭ Kaṭai Miṭai Sab Peeraa
Jo Sumirai Hanumat Balabeeraa

Jai Jai Jai Hanumaan Gosaayin
Kripaa Karahu Gurudev Kee Naayin

Jo Sat Baar Paaṭh Kar Koyi
Chhooṭahi Bndi Mahaa Sukh Hoyi

Jo Yah Paḍhai Hanuman Chalisa
Hoy Siddhi Saakhee Gaureesaa

Tulaseedaas Sadaa Hari Cheraa
Keejai Naath Hriday Manh deraa

।। Dohaa ।।

Pavan Tanay Snkaṭ Haran, Mangal Moorati Roop
Raam Lakhan Seetaa Sahit, Hriday Basahu Sur Bhoop